पिंपरी-चिंचवड शहरात सार्वजनिक वाहतूक व्यवस्था सक्षम करण्यासाठी आणि वाहतूककोंडी कमी करण्याच्या उद्देशाने उभारण्यात आलेल्या बीआरटी मार्गात सध्या खासगी वाहनांची मोठ्या प्रमाणावर घुसखोरी होत असल्याचे चित्र दिसून येत आहे. बीआरटी मार्ग केवळ बससाठी राखीव असतानाही दुचाकी, चारचाकी आणि इतर वाहनचालक सर्रास या मार्गावरून जात असल्याने वाहतूक व्यवस्थेचा उद्देशच धुळीस मिळत आहे. या प्रकाराकडे वाहतूक विभाग जाणीवपूर्वक दुर्लक्ष करत असल्याचे नागरिकांचे म्हणणे आहे.